तोलामा नौ सय रुपैयाँले घट्यो सुनको मुल्य
भदौ,१६काठमाडौं । आज पनि नेपाली बजारमा सुन–चाँदीको मूल्य घटेको छ।
हिजो प्रतितोला आठ सय रुपैयाँ घटेको सुनको मूल्य आज प्रतितोला नौ सय रुपैयाँले घटेको हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला ९३ हजार एक सय रुपैयाँ र तेजाबी सुन प्रतितोला ९२ हजार छ सय रुपैयाँमा कारोबार भइरहेको छ।
हिजो छापावाल सुन प्रतितोला ९४ हजार रुपैयाँ र तेजाबी सुन प्रतितोला ९३ हजार पाँच सय रुपैयाँमा कारोबार भएको थियो।
त्यसैगरी, आज चाँदीको मूल्य पनि घटेको छ। आज चाँदी प्रतितोला ११ सय रुपैयाँमा कारोबार भइरहेको छ।
