दार्चुलामा बाढी पहिरोमा परि ११ जना बेपत्ता खोजी कार्य जारी
भदौ,२५ काठमाडौं । दार्चुलामा बाढी र पहिरोमा परि ११ जना बेपत्ता भएका छन् ।
नौगाड गाउँपालिका र महाकाली नगरपालिकामा आएको बाढीमा परि पाँच जनाको ज्यान गएको जिल्ला प्रहरी कार्यालय दार्चुलाका प्रहरी सहायक निरीक्षक लोकेन्द्रबहादुर चन्दले बताउनु भयो ।
नौगाड गाउँपालिकाका जानकी ठगुन्ना, धनुली ठगुन्ना, मोहनराम पार्की, महाकाली नगरपालिका वडा नम्बर एककी मानमती कार्की र महाकाली नगरपालिका वडा नम्बर २ का नन्दराम बोहराको मृत्यु भएको हो ।
नन्दरामको बाढीमा परि मृत्यु भएको हो भने बाँकी चार जनाको पहिरोका कारण मृत्यु भएको हो। बाढीमा परि बेपत्ता ११ जनाको खोजी भइरहेको प्रहरीले जनाएको छ । १० जना गम्भीर घाइते भएका छन् ।
