प्रतिनिधि सभा र प्रदेश सभाको निर्वाचनका लागि एक लाख १५ हजार म्यादी प्रहरीमा भर्ना खुल्यो
काठमाडौं– मंसिर ४ मा हुन प्रतिनिधि सभा र प्रदेश सभाको निर्वाचनका लागि एक लाख १५ हजार म्यादी प्रहरीमा भर्ना खुलेको छ।
नेपाल प्रहरी प्रधान कार्यालयको मानव स्रोत विकास विभागअन्तर्गतको भर्ना छनौट शाखाले म्यादी प्रहरी भर्नाका लागि दरखास्त आह्वान गरेको हो।
म्यादी प्रहरीमा भर्ना हुन इच्छुक योग्यता पुगेका नेपाली नागरिकले स्वयं उपस्थित भइ यही भदौ ३० गतेदेखि असोज ६ गतेसम्म तोकिएको स्थानमा दरखास्त दिन सक्ने नेपाल प्रहरीले जारी गरेको सूचनामा उल्लेख छ।
