नेपालले पाकिस्तानलाई २ करोड रुपैयाँ बराबरको राहत सामग्री दिने
भदौ,२७ काठमाडौं । नेपालले बाढीको चपेटामा परेको पाकिस्तानलाई २ करोड रुपैयाँ बराबरको राहत सामग्री दिने भएको छ।
गृह मन्त्रालयले आन एक विज्ञप्ति जारी गर्दै मन्त्रीस्तरीय निर्णयबाट पाकिस्तानलाई राहत सामग्री दिन लागेको बताएको छ।
पाकिस्तानमा बाढीका कारण गत जुनयता झन्डै एक हजार मानिसको मृत्यु भएको थियो ।
यसपालिको मनसुनमा पाकिस्तानभरि बाढीले विध्वंश मच्चाएको छ। सिन्ध, बलुचस्तान, खैबर पख्तुनख्वाहमा सबैभन्दा धेरै असर परेको छ।
प्रधानमन्त्री सहबाज सरिफले प्रभावितको राहत, उद्धार र पुनर्स्थापनाका लागि ३८ अर्ब पाकिस्तानी रुपैयाँ (२२ अर्ब रुपैयाँ) बजेट छुट्याएको घोषणा गरेका छन्।
