पोखराको एटिएम मेसिन असुरक्षित हुँदै
असोज,४ काठमाडौं । पछिल्ला दिनहरुमा पोखराको एटिएम मेसिन असुरक्षित हुँदै गएका छन् । दिनहुँजसो एटिएम मेसिन फोडिएका छन् ।
हिजो र आज २ वटा बैंकका एटिएम मेसिन फुटाउन प्रयास गरेको आरोपमा प्रहरीले ३ जनालाई पक्राउ गरेको छ । हिजो पोखरा ९ मा रहेको कृषि विकास बैंकको एटिएम फुटाएर नगद चोर्दै गरेको अवस्थामा २ जनालाई पक्राउ गरेको हो ।
उक्त घटनामा पोखरा १६ बस्ने २२ वर्षका सन्दिप बस्नेत र १९ वर्षका अनिस रानामगर पक्राउ परेका छन् ।
यस्तै, आज राती पोखरा ६ लेकसाइडमा रहेको एनएमबि बैंकको एटिएम फुटाउन लागेको अवस्थामा प्रहरीले अर्का एकजनालाई पक्राउ गरेको छ । खुकुरीले मेसिन फुटाएर पैसा चोरी गर्न लागेको अवस्थामा धादिङको त्रिपुरा सुन्दरी १ घर भई पोखरा ८ बस्दै आएका २५ वर्षीय मनोज कुमाल पक्राउ परेका छन।
