दैलेखमा मोटरसाइकल चोरेको आरोपमा चारजना पक्राउ
असोज,६ काठमाडौं । दैलेखको गुराँस गाउँपालिका–१ स्थित पातलखोला बाट मोटरसाइकल चोरेको आरोपमा प्रहरीले चारजनालाई पक्राउ गरेको छ । स्थानीय भुपेन्द्र बहादुर रामजाली र सेते बिकको घरमा पार्किङ गरेर राखेको मोटरसाइकल चोरेको आरोपमा आज ४ जनालाई पक्राउ गरिएको जिल्ला प्रहरी कार्यालय दैलेखले बताएको छ ।
पक्राउ पर्नेहरूमा चामुन्डा बिन्द्रासैनी नगरपालिका–८ बस्ने २० वर्षीय बिनोद शाही, २० वर्षीय रितिक शाही, २५ वर्षीय दिनेश शाही र सोही नगरपालिका–४ बस्ने १६ वर्षीय किशोर छन् । आरोपीहरुले भुपेन्द्रको घरमा राखेको लु.८० प २०१८ नम्बरको मोटरसाइकल र सेतेको घरबाट क.प्र.०२–००१ प २०९ नम्बरको मोटरसाइकलको ह्यान्डिल लक तोडेर चोरेको प्रहरीको अनुसन्धानबाट थाहा भएको छ ।
