चाडपर्वको समयमा यात्रुहरुबाट तोकिएको भाडा भन्दा बढी लिन खोज्ने १६ जना पक्राउ
असोज,१२ काठमाडौं । चाडपर्वको समयमा यात्रुहरुबाट तोकिएको भन्दा बढी भाडा लिन खोज्ने १६ जनालाई पक्राउ गरिएको छ।
उपत्यका ट्राफिक प्रहरी कार्यालयले काठमाडौंको कोटेश्वर र नयाँ बसपार्कबाट आज बिहान पक्राउ गरेको हो।
पक्राउ परेका सबैलाई प्रहरी प्रभाग कोटेश्वर र गंगबुमा राखिएको छ। आज बिहान उपत्यका ट्राफिक प्रहरी कार्यालय रामशाहपथको टोलीले काटेश्वरबाट ८ जना र नयाँबसपार्कबाट ८ जनालाई पक्राउ गरेको हो।
