नक्कली नोटसहित एक जना पक्राउ
असोज,२१ काठमाडौं । नक्कली नेपाली रुपैयाँसहित एक भारतीय नागरिकलाई प्रहरीले पक्राउ गरेको छ। बाराको सिम्रौनगढबाट एक हजार रुपैयाँ दरको नक्कली नोटसहित एक भारतीय नागरिकलाई बारा प्रहरीले नियन्त्रणमा लिएको हो।
प्रहरीले बाराको सिम्रौनगढ नगरपालिका–५ कनकपुरबाट १ हजार दरको ८ सय ९५ थान नेपाली नक्कली नोटसहित भारतको मोतिहारी पिपरकोठी बस्ने २५ वर्षीय रंजितकुमार मुखियालाई पक्राउ गरेको हो।
विशेष सूचनाको आधारमा ईलाका प्रहरी कार्यालय सिम्रौनगढबाट खटिएको प्रहरीले नम्बर नखुलेको मोटरसाइकलमा सवार रंजितलाई जाँच गर्ने क्रममा ९ वटा गड्डीमा रहेको करिब नौ लाख नक्कली नोटसहित पक्राउ गरेको हो।
