कालीकोटमा एक जना प्रहरी जवान नदीमा बगेर बेपत्ता
असोज,२४ काठमाडौं । कालीकोटमा एक जना प्रहरी जवान नदीमा बगेर बेपत्ता भएका छन्।
खाँडाचक्र नगरपालिका–८ स्थित सेरावाडा खोला तर्ने क्रममा कर्णाली प्रदेश प्रहरी गण सुर्खेतमा कार्यरत जुम्लाको तातोपानी गाउँपालिकाका प्रहरी जवान पदम रावत बगेका थिए।
सेरावाडा खोलाले बगाएका रावत तीला नदीमा पुगेर बेपत्ता भएको कर्णाली प्रदेश प्रहरी कार्यालयले बताएको छ ।
प्रहरीका अनुसार रावत बगेको खबर आज बिहान साढे ९ बजे प्राप्त भएको हो।
