नाबालिकामाथि बलात्कार गरेको अभियोगमा एक जना पक्राउ
असोज,३० काठमाडौं । नाबालिकामाथि बलात्कार गरेको अभियोगमा उदयपुर प्रहरीले एक युवकलाई पक्राउ गरेको छ।
जिल्लाको चौदण्डीगढी नगरपालिका ९ ज्यामिरे पछुवारीकी ८ वर्षीया नाबालिकालाई जबरजस्ती करणी गरेर फरार भएका सोही ठाउँका १८ वर्षीय दर्पण चौधरी पक्राउ परेका छन्।
असोज २३ गते राति ७ः३० बजेको समयमा नाबालिकालाई बलात्कार गरी भागेका चौधरीलाई इलाका प्रहरी कार्यालय र मातहत प्रहरी चौकीबाट खटेको टोलीले उनलाई पक्राउ गरेको हो। प्रहरीले खोजी गर्ने क्रममा उनलाई ९ नं. वडा कार्यालयछेउमै लुकेर बसेको अवस्थामा भेटेर नियन्त्रणमा लिएको जिल्ला प्रहरी कार्यालय उदयपुरले बताएको छ ।
