मलामी बोकेको बस दुर्घटना हुदा २८जना घाइते
कार्तिक,२ काठमाडौं । मलामी बोकेर झापाको कुञ्जिबारी जाँदै गरेको बस शिवसताक्षीमा आज दिउँसो दुर्घटनामा परेको छ।
पूर्वपश्चिम राजमार्ग अन्तर्गत शिवसताक्षीको वडा नम्बर ९ झरना पुल नजिक भएको दुर्घटनामा २८ जना घाइते भएका छन्।
त्यसमध्ये तीन जनाको अवस्था गम्भीर छ।
कनकाई नदीको मुक्तिघाटमा शवको दाहसंस्कार सकेर मलामी लिएर फर्किँदै गरेको ना ७ ख २६५१ नम्बरको बस दुर्घटनामा परेको थियो।
राजमार्ग दक्षिण किनारको रुखमा गएर बस ठोकिएको प्रहरीले बताएको छ । सोही दिशाबाट आउँदै गरेको अर्को बसलाई जोगाउन खोज्दा मलामी बोकेको बस राजमार्ग दक्षिण रुखमा ठोकिएको स्थानीयबासीले बताएका छन्।
