ललितपुरमा खाल्टोमा डुबेर एक जनाको मृत्यु
कार्तिक १५ काठमाडौं । ललितपुरमा खाल्टोमा डुबेर एक जना युवकको मृत्यु भएको छ । ललितपुर महानगरपालिका–२२ स्थित नख्खु खोलामा नुहाउने क्रममा खनेको खाल्टोमा डुबेर खोटाङ घर भई हाल ललितपुर महानगरपालिका-२७ सुनाकोठ्ठी बस्ने २१ वर्षीय देउचन्द्र राईको आज दिउँसो मृत्यु भएको प्रहरीले बताएको छ ।
उता रौतहटको गरुडा नगरपालिका–९ विर्ता गम्हरियामा पनि सार्वजनिक पोखरीमा डुबेर सोही ठाउँ बस्ने कनही सहनीको छोरा ७ वर्षीय विक्रम सहनीको हिजो साँझ मृत्यु भएको हो।
