प्यूठानमा जिप दुर्घटना हुँदा ३ जनाको मृत्यु १२ जना घाइते
कार्तिक,२३ काठमाडौं । प्यूठानमा जिप दुर्घटना हुँदा ३ जनाको मृत्यु भएको छ। १२ जना घाइते भएका छन्।
गए राति करिब १२ बजेतिर जिप दुर्घटनामा परेको थियो।
लु १ ज ३७०७ नम्बरको जिप दुर्घटना हुँदा मैयाँ घर्ती, खुमान थापा र जुनकी थापाको मृत्यु भएको प्यूठान प्रहरीले बताएको छ ।
प्यूठान नगरपालिका ५ खैराबाट जिप पूर्णगाउँ जाँदै गर्दा दुर्घटनामा परेको थियो।
जिप अनियन्त्रित भएर सडकबाट करिब १ सय ५० मिटर तल खसेको थियो।
