खाना पकाउने ग्यास लिक भएर आगलागी हुँदा एक बालकको मृत्यु
कार्तिक,२४ काठमाडौं । भोजपुरको घोडेटारमा खाना पकाउने ग्यास लिक भएर आगलागी हुँदा एक बालकको ज्यान गएको छ । एक जना घाइते भएका छन् ।
हतुवागढी गाउँपालिका–५ शान्त कुमार राईको घरमा गएराति ग्यास लिक भएर आगलागी हुँदा उहाँका ६ वर्षीय छोरा आयुष राईको ज्यान गएको जिल्ला प्रहरी कार्यालय भोजपुरले बताएको छ ।
आगलागीमा परि राईकी श्रीमती र छोरा घाइते भएका थिए । बालकको उपचारका क्रममा धरान घोपा क्याम्पमा ज्यान गएको हो ।
