बसको ठक्करबाट मोटरसाइकलमा सवार दम्पतीको मृत्यु
कार्तिक,२९ काठमाडौं । झापामा बसको ठक्करबाट मोटरसाइकलमा सवार दम्पतीको मृत्यु भएको छ।
आज साँझ कन्काई नगरपालिका-७ दुर्गापुरस्थित पूर्वपश्चिम राजमार्गमा बसको ठक्करबाट दम्पतीको मृत्यु भएको जिल्ला प्रहरी कार्यालय झापाले बताएको छ ।
प्रहरीका अनुसार अर्जुनधारा नगरपालिका-६ बस्ने ५२ वर्षीय नरेन्द्र मैनाली र उनकी श्रीमती ५० वर्षिया सीतादेवी मैनालीको बिएन्डसी अस्पताल बिर्तामोडमा उपचारका क्रममा मृत्यु भएको हो।
पूर्वबाट पश्चिमतर्फ जाँदै गरेको को १ ख ६७९४ नम्बरको बसले विपरित दिशाबाट आउँदै गरेको मे ४ प ५०९२ नम्बरको मोटरसाइकललाई ठक्कर दिएको थियो।
ठक्करबाट दम्पती गम्भीर घाइते भएका थिए। उनीहरूको स्थानीय प्रहरीले उपचारका लागि बिएन्डसी अस्पतालमा लगेको थियो।
उपचारकै क्रममा दुवै जनाको मृत्यु भएको जिल्ला प्रहरी कार्यालय झापाले बताएको छ ।
