बाँकेको राप्ती नदीमा डुबेर दुई जनाको मृत्यु
मंसिर,१८ काठमाडौं । बाँकेको राप्ती नदीमा डुबेर दुई जनाको मृत्यु भएको छ।
राप्ती सोनारी गाउँपालिका वडा नम्बर ६ फत्तेपुरका १३ वर्षीया अर्चना थारू र २२ वर्षका कञ्चन थारूको नदी तर्ने क्रममा मृत्यु भएको हो।
उनीहरू हिजो दिउँसो नदी तर्ने क्रममा बेपत्ता भएका थिए। उनीहरूको शव आज बिहान ९ बजेतिर फेला परेको प्रहरीले बताएको छ ।
जिल्ला प्रहरी कार्यालय बाँकेका डिएसपी रामप्रसाद घर्तीले नदीमा बेपत्ता दुवै जनाको शव फेला परेको जानकारी दिए ।
