तोलामा चार सयले बढ्यो सुनको मूल्य
मंसिर,१९ काठमाडौं । सुनचाँदी बजारमा आज छापावाल सुनको मूल्य अघिल्लो कारोबार दिनका तुलनामा प्रतितोला रु चार सयले बढेको छ।
हिजो प्रतितोला रु ९९ हजार ५ सयमा कारोबार भएको सुनको मूल्य आज प्रतितोला रु ९९ हजार ९ सय पुगेको छ।
नेपाल सुनचाँदी व्यवसायी महासङ्घले सार्वजनिक गरेको विवरणअनुसार आज तेजाबी सुनको मूल्य प्रतितोला रु ९९ हजार ४ सय छ। यसको मूल्य अघिल्लो दिन प्रतितोला रु ९९ हजार थियो।
