चितवन राष्ट्रिय निकुञ्जमा एक सिङ्गे गैँडा र पाटेबाघ मृत भेटिए
पुष,२८ काठमाडौं । चितवन राष्ट्रिय निकुञ्ज क्षेत्रमा एक सिङ्गे एउटा गैँडा र एउटा पाटेबाघ मृत भेटिएका छन् ।
चितवन राष्ट्रिय निकुञ्जको अमलटारी सेक्टर अन्तर्गत निकुञ्जको कोर क्षेत्रमा पर्ने नारायणी नदीको बगरमा भाले बाघ मृत भेटिएको निकुञ्जले बताएको छ ।
निकुञ्जका अनुसार अन्दाजी १५ वर्षको भाले बाघ प्राकृतिक कारणले मरेको हो । यस्तै, चितवन राष्ट्रिय निकुञ्जको सौराह सेक्टर अन्तर्गत कछुवानी पोष्टको कार्यक्षेत्रमा पर्ने निकुञ्जको कोर क्षेत्रमा एउटा एक सिङ्गे गैँडा मृत भेटिएको छ।
गैँडाको खाग सुरक्षित छ । बाघको आक्रमणका कारण गैँडा मरेको निकुञ्जले जनाएको छ ।
