बढ्यो सुनको मूल्य
माघ,१६कमाठमाडौं । आज नेपाली बजारमा पहेँलो धातु (सुन)को मूल्य बढेको छ। आज सुनको मूल्य तोलामा ३०० रुपैयाँले बढेको नेपाल सुनचाँदी व्यवसायी महासंघले बताएको छ ।
तोलामा ३०० रुपैयाँले बढेपछि सोमबार छापावाल सुनको मूल्य प्रतितोला १ लाख ६ हजार ३०० रुपैयाँ कायम भएको छ। यस्तै, तेजाबी सुनको मूल्य प्रतितोला १ लाख ५ हजार ८०० रुपैयाँ कायम भएको छ।
आइतबार छापावाल सुन प्रतितोला १ लाख ६ हजार र तेजाबी सुन प्रतितोला १ लाख ५ हजार ५०० रुपैयाँमा किनबेच भएको थियो।
अघिल्लो साताको बिहीबार सुनको मूल्य हालसम्मकै उच्च प्रतितोला १ लाख ६ हजार ९०० रुपैयाँ पुगेको थियो। शुक्रबार भने सुनको मूल्य तोलामा १ हजार १०० रुपैयाँले घटेको थियो।
सोमबार चाँदीको मूल्य भने स्थीर रहेको छ। आइतबारजस्तै सोमबार पनि चाँदीको मूल्य प्रतितोला १ हजार ३६५ रुपैयाँ कायम भएको छ।
