अर्काको नाममा लाइसेन्सको ट्रायल दिने २ जना पक्राउ
माघ,१८ काठमाडौं । अर्काको नाममा सवारी चालक अनुमति पत्रको ट्रायल दिने र दिन लगाउने २ जना पक्राउ परेका छन् । ट्राफिक प्रहरीले नक्कली परीक्षार्थी र उनलाई परीक्षा दिन लगाउने दुवैलाई पक्राउ गरेको हो ।
दोलखाको गौरीशंकर नगरपालिका-५ घर भई हाल भक्तपुरको मध्यपुर ठिमी बस्ने २३ वर्षीय देवबहादुर श्रेष्ठ र दोलखा घर भई हाल भक्तपुर बस्दै आएका २५ वर्षीय युवराज खड्कालाई प्रहरीले नियन्त्रणमा लिएको छ ।
काठमाडौं उपत्यका ट्राफिक प्रहरी कार्यालयबाट खटिएको प्रहरी टोलीले भक्तपुरको राधेराधे ट्रायल सेन्टरबाट खड्काको नाममा श्रेष्ठले दुई पांग्रे सवारी साधनको ट्रायल दिइरहेको पाइएकाले दुवै जनालाई नियन्त्रणमा लिएको प्रवक्ता राजेन्द्रप्रसाद भट्टले बताए
