बढ्यो सुनको भाउ
माघ,२५ काठमाडौं । आज नेपाली बजारमा सुनको मूल्य सामान्य बढेको छ। आज सुनको मूल्य तोलामा २०० रुपैयाँले बढेको नेपाल सुनचाँदी व्यवसायी महासंघले बताएको छ ।
तोलामा २०० रुपैयाँले बढेपछि आज छापावाल सुनको मूल्य प्रतितोला १ लाख ४ हजार ८०० रुपैयाँ कायम भएको छ। यस्तै, तेजाबी सुनको मूल्य प्रतितोला १ लाख ४ हजार ३०० रुपैयाँ कायम भएको छ।
यसअघि मंगलबार भने सुनको मूल्यमा कुनै फेरबदल आएको थिएन्। मंगलबार पनि सोमबारको जस्तै छापावाल सुन प्रतितोला १ लाख ४ हजार ६०० रुपैयाँ र तेजाबी सुन प्रतितोला १ लाख ४ हजार १०० रुपैयाँमा किनबेच भएको थियो।
