नवनियुक्त मुख्यमन्त्री शाहले आज शपथ लिँदै
माघ,२७ काठमाडौं । सुदूरपश्चिम प्रदेशका नवनियुक्त मुख्यमन्त्री कमलबहादुर शाहले आज पद तथा गोपनीयताको शपथ लिँदै छन् ।
३० दिनभित्र विश्वासको मत प्राप्त गर्न नसकेर एमाले संसदीय दलका नेता राजेन्द्रसिंह रावल मुख्यमन्त्रीबाट बाहिरिएपछि कांग्रेस संसदीय दलका नेता शाह हिजो मुख्यमन्त्री नियुक्त भएका थिए ।
हिजो मुख्यमन्त्री नियुक्त भएका शाहले आज दिउँसो ३ बजे पद तथा गोपनीयताको शपथ खाने छन् ।
