निहारिका र शिवराजले गरे विवाह

माघ,२७ काठमाडौं । निहारिका राजपुत र शिवराज श्रेष्ठबीच आज विवाह सम्पन्न भएको छ । उनीहरूले जनकपुरस्थित जानकी मन्दिरमा विवाह गरेको शिवराजले बताएका छन् ।
माघ १६ मा शिवराज र निहारिकाबीच धनुषा जिल्ला अदालतमा मिलापत्र भएको थियो । शिवराज र निहारिकाबीच तीन वर्षसम्म प्रेम चलेको र उमेर नपुगेकै कारण विवाह नगरिएको स्वीकार मिलापत्रमा गरिएको थियो । दुवै जना पतिपत्नीको सम्बन्धमा रहेर छोरा जन्मिएको स्वीकार निवेदनमा गरिएको थियो ।