काठमाडौंँ । अभिनेत्री प्रियंका कार्की र शिल्पा मास्के आफ्नै फिल्म ‘फूलबारी’ हेरेर रोएका छन् । हिजो आयोजित फिल्मको प्रिमिएरमा उनीहरु फिल्म हेरेर रोएका हुन् ।

प्रिमिएरपछि पत्रकारसँग कुरागर्दै प्रियंकाले फिल्मको कथा आफ्नो घरको कथा समेत रहेको भन्दै आँसु झरेको बताइन् । उनले आफू अक्सर फिल्म हेरेर नरुने तर्क गर्दै यो फिल्मको विषयवस्तुले मन छोएको धारणा राखिन् ।

त्यस्तै फिल्म हेरेर निस्किदा अभिनेत्री शिल्पा मास्केको आँखा पनि रसाए । फिल्मको कथावस्तु र भावनाले छोएर आँसु झरेको पत्तै नपाएको शिल्पाले बताइन् ।

हुन त आफ्नो फिल्म हेरेर रुने अभिनेत्री प्रियंका र शिल्पा मात्र कहाँ हो र । केही अगाडि आफ्नै फिल्म ‘म यस्तो गीत गाउँछु २’ हेरेर अभिनेत्री पूजा शर्मा पनि रोएकी थिइन् । उक्त समय धेरैले उनलाई फिल्म चलाउने फन्डा भनेर आलोचना समेत गरे ।