घट्यो सुनको मुल्य
फागुन,११ काठमाडौं । साप्ताहिक कारोबारको पाँचौं दिन आज नेपाली बजारमा सुनको मूल्य घटेको छ। आज सुनको मूल्य तोलामा ५०० रुपैयाँले घटेको नेपाल सुनचाँदी व्यवसायी महासंघले बताएको छ ।
तोलामा ५०० रुपैयाँले घटेपछि आज छापावाल सुनको मूल्य प्रतितोला १ लाख २ हजार ५०० रुपैयाँ कायम भएको छ। यस्तै, तेजाबी सुनको मूल्य प्रतितोला १ लाख २ हजार रुपैयाँ कायम भएको छ।
यसअघि बुधबार भने सुनको मूल्यमा कुनै फेरबदल आएको थिएन। बुधबार पनि अघिल्लो दिन, मंगलबारको जस्तै छापावाल सुन प्रतितोला १ लाख ३ हजार र तेजाबी सुन प्रतितोला १ लाख २ हजार ५०० रुपैयाँमा किनबेच भएको थियो।
