सप्तरीमा आगलागी हुदाँ लाखौँको क्षति
फागुन,१२ काठमाडौं । सप्तरीको सुरुङ्गा नगरपालिका-९ बैरबोनामा आगलागी हुँदा लाखौँको क्षति भएको छ । आज स्थानीय रामचन्द्र यादवको घरमा बिजुलीको तार सर्ट भइ आगलागी हुँदा झन्डै २० लाख रुपैयाँ बराबरको क्षति भएको हो ।
आगलागीबाट यादवको एक तले फुसको घरका साथै सम्पूर्ण समान जलेर नष्ट भएको छ भने छिमेकी परीक्षण यादव, राम किसुन यादव, चन्द्रदेव यादव, बलराम यादव, रामवृष यादवको घर तथा सामान जलेको छ ।
राजविराज र लाहानको दमकल तथा स्थानीयवासी, नेपाल तथा सशस्त्र प्रहरीको सहयोगमा आगो निभाइएको जिल्ला प्रहरी कार्यालय सप्तरीका डीएसपी एवम् प्रवक्ता नरेश कुमार सिंहले बताउनु भयो ।
