ट्याक्टर र मोटरसाइकल ठोक्किँदा दुई जनाको मृत्यु
फागुन,२१ काठमाडौं । धनुषाको लक्ष्मीनियामा ट्याक्टर र मोटरसाइकलमा ठोक्किँदा दुई जनाको मृत्यु भएको छ ।
जनकपुर–ढल्केबर सडकखण्ड अन्तर्गत लक्ष्मीनियामा भएको दुर्घटनामा मोटरसाइकलमा सवार लक्ष्मीनिया गाउँपालिका– ४ सपही का ४५ वर्षीय रामएकवाल ठाकुर र ६० वर्षीय सत्यनारायण साहको मृत्यु भएको प्रहरीले बताएको छ ।
राति ९ बजेतिर ज १ त ५२४५ नम्बरको ट्याक्टरले ज १० प ६४२९ नम्बरको मोटरसाइकललाई ठक्कर दिएको थियो ।
