गण्डकीमा माओवादीका दुई मन्त्रीले दिए राजीनामा
चैत्र,१० काठमाडौं । नेकपा माओवादी केन्द्रको तर्फबाट गण्डकी प्रदेश सरकारमा सहभागी दुई मन्त्रीले राजीनामा दिएका छन्।
आज साँझ मुख्यमन्त्री खगराज अधिकारीलाई भेटेर सरकारमा रहेका हरिबहादुर चुमान र रेशमबहादुर जुग्जाली मगरले राजीनामा बुझाएका छन्।
आज दिउँसो बसेको माओवादी केन्द्रको संसदीय दलको बैठकले सरकारलाई दिएको समर्थन फिर्ता लिनुका साथै सरकार छाड्ने निर्णय गरेको थियो।
