जिप दुर्घटना हुँदा १ जनाको मृत्यु
चैत्र,१९ काठमाडौं । रामेछापको खाँडादेवी गाउँपालिका–१ राकाथुमको बेलपोखरी डाँडा (ठुटे पिपलबोट)मा बा१६च ३८२५ नम्बरको बलेरो जिप दुर्घटना हुँदा १ जनाको मृत्यु भएको छ। दुर्घटनामा अन्य ७ जना घाइते भएका छन्।
हिजो साँझ भएको सो दुर्घटनामा मृत्यु हुनेमा खाँडादेवी–७ का ३३ वर्षीय कर्मसिंह तामाङ रहेका जिल्ला प्रहरी कार्यालय रामेछापका प्रहरी नायब उपरीक्षक (डीएसपी) होमबहादुर पराजुलीले जानकारी दिए। उनका अनुसार सो जिप सडकबाट करिब ४०० मिटर तल खसेको थियो। घाइतेमध्ये २ जनाको अवस्था गम्भीर रहेको छ।
