कार दुर्घटना हुँदा ४ जनाको मृत्यु
चैत्र,२९ काठमाडौं । विपी राजमार्गको खनियाखर्क नजिक भारतीय नम्बर प्लेटको कार दुर्घटना हुँदा ४ जनाको मृत्यु भएको छ भने एक जना घाइते भएका छन्। विपी राजमर्गको कमलामाई नगरपालिका ३ सिन्धुलीगढीको गेट नजिकै काठमाण्डौ तर्फ जाँदै गरेको बीआर ०६डिडि०६८७ नम्बरको गाडी सडकबाट करिब पाँच सय मिटर तल खस्दा ३ जनाको घटनास्थलमै र १ जनाको उपचारका क्रममा सिन्धुली अस्पतालमा मृत्यु भएको जिल्ला प्रहरी कार्यालय सिन्धुलीका प्रमुख एसपी राजकुमार सिलवालले बताए ।
उनका अनुसार राती करिब साढे १२ बजेको समयमा गाडी दुर्घट्ना भएको खबर पाएसँगै जिल्ला प्रहरी कार्यालयका प्रमुख एसपी सिलवालकै नेतृत्वमा उद्धारमा प्रहरी खटिएको थियो। तर कार सडकबाट भिरमा खसेकाले उद्धारमा कठिनाई भएको र शब निकाल्ने कार्य जारी रहेको छ।
