तनहुँ- १ मा अग्रता बढाउँदै वाग्ले, पछ्याउँदै भट्टराई, खनाल तेस्रो
काठमाडौं- तनहुँ- १ मा १९ वडाको मतगणना हुँदा राष्ट्रिय स्वतन्त्र पार्टीका उम्मेदवार स्वर्णीम वाग्लेले अग्रता बढाउँदै लगेका छन्। १७ वडाको मत गणना हुँदा ४ हजार ८ सय मतले अघि लागेका वाग्ले थप २ वडाको मत गणना हुँदा ५ हजार मतले अगाडि लागेका छन्।
हालसम्मको परिणाम अनुसार कांग्रेस र एमालेका उम्मेदवारले पाएको मतभन्दा वाग्लेको मत धेरै भएको छ। उनीहरुको भन्दा वाग्लेको मत ८ सय ३८ बढी छ।
२५ हजार ३ सय ६९ मत गणना गर्दा वाग्लेले १२ हजार ७ सय ५ मत प्राप्त गरेका छन्। त्यस्तै नेपाली कांग्रेसका उम्मेदवार गोविन्द भट्टराईले ७ हजार ६ सय ४७ मत प्राप्त गरेका छन् भने एमालेका सर्वेन्द्र खनालले ४ हजार २ सय २० मत प्राप्त गरेका छन्। नेपाल लाइभ बाट
