गण्डकी प्रदेशका मुख्यमन्त्री सुरेन्द्रराज पाण्डेले लिए शपथ
बैशाख,१५ काठमाडौं । गण्डकी प्रदेशका नवनियुक्त मुख्यमन्त्री सुरेन्द्रराज पाण्डेले शपथ लिएका छन्। प्रदेश प्रमुख पृथ्वीमान गुरूङले आज उनलाई पद तथा गोपनियताका शपथ खुवाएका छन्।
सपथ लिएलगत्तै मुख्यमन्त्री पाण्डेले २ मन्त्री नियुक्त गरेका छन्। नेपाली कांग्रेसकी सांसद सरस्वती अर्याल तिवारी र माओवादी सांसद सुशीला सिम्खडालाई उनले मन्त्री नियुक्त गरेका हुन्। पाण्डे संविधानको धारा १६८ को उपधारा २ बमोजिम हिजो मुख्यमन्त्री नियुक्त भएका थिए।
