भारतको कारखानामा ग्यास चुहिँदा ९ जनाको मृत्यु, ११ जना अचेत
भारतको पञ्जाव राज्यको लुधियाना जिल्लास्थित एक कारखानामा आइतबार बिहान ग्यास चुहिँदा ९ जनाको मृत्यु भएको छ । अन्य ११ जना अचेत अवस्थामा फेला परेका छन् ।
उनीहरूलाई स्थानीय अस्पतालमा भर्ना गरिएको छ । राष्ट्रिय विपद् प्रतिकार्य बल एनडीआरएफको एक समूह घटनास्थल पुगेको छ भने दमकल र चिकित्सकको टोली पनि त्यहाँ पुगेको छ ।
एनडीआरएफ टोली युद्धस्तरमा उद्धारमा जुटेको छ । घटनास्थलमा पुगेको प्रहरी टोलीका एक अधिकारीले ग्यास चुहिएर दुर्घटना भएको बताए पनि त्यससम्बन्धमा विस्तृत विवरण दिएका छैनन् । रासस
