उपेन्द्र यादवले आज सांसदको शपथ लिने
बैशाख,१९ काठमाडौं । बारा निर्वाचन क्षेत्र नम्बर २ को उपनिर्वाचनमा विजयी जनता समाजवादी पार्टी, नेपालका अध्यक्ष उपेन्द्र यादवले आज सांसदको शपथग्रहण गर्दै छन्। उनले आज दिउँसो १ बजे सिंहदरबारमा शपथग्रहण गर्न लागेका छन्।
उनलाई सभामुख देवराज घिमिरेले शपथग्रहण गराउने छन्। बारा निर्वाचन क्षेत्र नम्बर २ मंसिर ४ गते भएको निर्वाचनमा विजयी रामसहायप्रसाद यादव उपराष्ट्रपति बनेसँगै रिक्त रहेको क्षेत्रमा उपनिर्वाचन भएको थियो।
