नेपाली कांग्रेसका नेता शंकर कँडेल मृत फेला
बैशाख,२० काठमाडौंं । नेपाली कांग्रेस चितवनका नेता शंकर कँडेल मृत फेला परेका छन्। चितवनमा पोल्ट्री व्यवसाय गर्दै आएका कँडेल हिजो साँझ भरतपुर महानगरपालिका–३ बेल्चोकस्थित आफ्नै कार्यालयमा मृत फेला परेका छन्।
जिल्ला प्रहरी कार्यालय चितवनका प्रहरी नायब उपरीक्षक विजयराज पण्डितका अनुसार प्रहरीले कँडेल मृत फेला परेको सूचना हिजो साँझ ६ बजे प्राप्त गरेको थियो।
सूचनालगत्तै परिचालन भएको प्रहरीले घटनास्थलबाट सुसाइड नोट फेला पारेको छ। सुसाइड नोटबारे अनुसन्धान भइरहेको डिएसपी पण्डितले बताए । मृत फेला परेका कँडेल कांग्रेस चितवनका पूर्वकोषाध्यक्ष हुन्।
