होटलमा खाजा खान आएका ग्राहकको छुरा हानेर हत्या
बैशाख,२८ काठमाण्डौ । हत्या आरोपमा धादिङमा ६ जनालाई प्रहरीले पक्राउ गरेको छ ।
बुधबार बलुका गल्छी गाउँपालिका वडा नम्बर ८ निबुवाबोटेमा रहेको सानदार होटलमा खाजा खान गएका गल्छी गाउँपालिका ८ कटलपौवाका २७ वर्षीय विनोद थापामगरको हत्या भएको हो ।
विनोदको हत्या आरोपमा होटल सञ्चालक २८ वर्षीय निरज पण्डित र पण्डितकी आमा सरस्वतीसहित ६ जनालाई प्रहरीले पक्राउ गरेको हो ।
खाजा खाएको पैसा तिर्ने क्रममा विवाद भएपछि निरजले विनोदलाई छुरा हानेको आशंका गरिएको जिल्ला प्रहरी कार्यालय धादिङका सूचना अधिकारी प्रहरी निरीक्षक (इन्सपेक्टर) धर्मजित थिङले जानकारी दिनुभयो ।
उहाँका अनुसार खाजा खाएको एक हजार एक सय रुपैयाँ तिर्न विनोदले एक हजार ५ सय रुपैयाँ दिएको तर चार सय रुपैयाँ फिर्ता नपाएपछि विवाद सुरु भएको थियो ।
