अमेरिकाको कन्सास सहरको बारमा गोली चल्दा ३ जनाको मृत्यु

जेठ,८ काठमाडौं । संयुक्त राज्य अमेरिकामा आइतबार बिहान (स्थानीय समय) कान्सास सहरको बारमा गोली चल्दा तीन जनाको मृत्यु भएको छ भने अन्य दुई जना घाइते भएका छन्।
पीडितमध्ये दुई जनाको घटनास्थलमै मृत्यु भएको प्रहरीले जनाएको छ । एकजना बारभित्र र अर्का भवनबाहिर मृत अवस्थामा फेला परेका थिए। त्यसैगरी अर्का घाइतेको अस्पतालमा मृत्यु भएको थियो।
गोलीबारीमा घाइते भएका अन्य दुई जनालाई अस्पताल लगिएको प्रहरीले बताएको छ। फक्स न्यूजका अनुसार घाइतेमध्ये एकको अवस्था गम्भीर छ भने अर्काको अवस्था स्थिर रहेको छ।