मोटरसाइकल दुर्घटना हुँदा १ जनाको मृत्यु, एक जना घाइते
जेठ,९ काठमाडौं । पोखरामा मोटरसाइकल दुर्घटना हुँदा १ जनाको मृत्यु भएको छ। अर्का एक १ जना घाइते भएका छन्।
पोखरा महानगरपालिका–६ खहरेचोकस्थित हल्लनचोकबाट गैह्राको चौतारातर्फ जाँदै गरेको ग२४प ३१० नम्बरको मोटरसाइकल आज बिहान आफैं अनियन्त्रित भइ सडक छेउको बिजुलीको पोलमा ठोक्किएको थियो।
दुर्घटनामा मोटरसाइकलमा सवार काठमाडौंको कपन घर भएका १८ वर्षीय सफल खतिवडाको उपचारका क्रममा मृत्यु भएको जिल्ला प्रहरी कार्यालय कास्कीले बताएको छ । चालक तनहुँको म्याग्दे गाउँपालिका–४ थर्पु बस्ने १७ वर्षीय सङ्गम बानियाँको टाउको र घाँटीमा चोट लागेको छ।
