कीर्तिमानी आरोही कामीरिता शेर्पाले गरे २८औं पटक सगरमाथा आरोहण
जेठ,९ काठमाडौं । कीर्तिमानी आरोही कामीरिता शेर्पाले २८औं पटक सगरमाथा आरोहण गरेका छन्।
उनले आज बिहान ९ बजेर २३ मिनेटमा सगरमाथाको सफल आरोहण गरेको आधारशिविरमा रहेका पर्यटन विभागका अनुगमन संयोजक खिमलाल गौतमले बताए ।
हिजो मात्रै पासाङ दावा शेर्पाले २७औं पटक आरोहण गरेर उनीसँग बराबरी गरेका थिए। त्यसको दोस्रो दिन नै कामरिताले सवैभन्दा धेरैपल्ट सगरमाथा आरोहण गर्ने किर्तिमानी एकलौटी गरेका हुन्।
