बलात्कार आरोपमा मार्सल रोका दुई दिनदेखि हिरासतमा
जेठ,१८ काठमाडौं । दाङमा युवा वैज्ञानिक मार्सल रोका बलात्कार आरोपमा दुई दिन प्रहरी हिरासतमा रहेका छन् । तुलसीपुर उपमहानगरकी एक युवतीले आफूलाई रोकाले बलात्कार गरेको भन्दै जिल्ला प्रहरी कार्यालय दाङमा उजुरी दर्ता गरे पछि उनलाई पक्राउ गरिएको छ ।
दाङ प्रहरी प्रमुख एसपी वीरबहादुर वलीका अनुसार युवा वैज्ञानिक रोकालाई मंगलबार पक्राउ गरिएको र बुधवार दाङ जिल्ला अदालतबाट सात दिनको हिरासतमा राखेर अनुसन्धान गर्न प्रहरीलाई अनुमति दिए पछि अनुसन्धान सुरु भएको छ । घोराही–१६ कपासेका रोका युवा वैज्ञानिकका रूपमा परिचित छन् । उनले स्कुले जीवनदेखि नै विभिन्न यन्त्रको आविष्कार गर्दै आएका छन् ।
