सीटीईभीटीका २ निर्देशकसहित ३ जनालाई खोज्न सशस्त्रको टोली परिचालन
जेठ,१९ काठमाडौं । सुनकोशी नदीमा गाडी खस्दा बेपत्ता भएका सीटीईभीटीका २ निर्देशकसहित ३ जनालाई खोज्न सशस्त्रको टोली पनि परिचालन गरिएको छ।
आश्रित गुल्म सिन्धुलीबाट डिजास्टर म्यानेजमेन्ट (डीएम) सहितको टोली परिचालन गरिएको सशस्त्र प्रहरी बलका सहयाक प्रवक्ता शैलेन्द्र थापाले बताए ।
घुर्मी–खुर्कोट खण्डको सिन्धुलीको गोलन्जोर गाउँपालिका–७ लौकुनबाट गाडी सुनकोशी नदीमा खस्दा सीटीइभीटीका २ निर्देशक र अधिकृतस्तरका १ कर्मचारी कर्मचारी वेपत्ता भएका जिल्ला प्रहरी कार्यालय सिन्धुलीका प्रमुख, प्रहरी उपरीक्षक (एसपी) राजकुमार सिलवालले बताए । नदीमा खसेको स्कर्पियो गाडीका चालक भने पौडिएर बाहिर निस्केका छन्। बाँकी ३ जना भने अहिलेसम्म वेपत्ता छन्।
