बसको ठक्करबाट एक किशोरको ज्यान गयो
जेठ,२४ काठमाण्डौ । काठमाण्डौको तारकेश्वर नगरपालिका–६ मा बसको ठक्करबाट एक किशोरको मृत्यु भएको छ ।
हिजो बेलुका बा २ ख ४४१३ नम्बरको बसको ठक्करबाट खोटाङको बराहपोखरी गाउँपालिका ४ का १७ वर्षका लप्सन राईको मृत्यु भएको हो ।
राईको ग्रीन सिटी अस्पताल बसुन्धारामा उपचारका क्रममा बेलुका सात बजे ज्यान गएको प्रहरीले बताएको छ । । प्रहरीका अनुसार बस चालक पक्राउ परेका छन् ।
त्यस्तै काभ्रेको बनेपा नगरपालिका–१३ साँगामा ट्रकको ठक्करबाट एक जना पैदलयात्रुको ज्यान गएको छ ।
गएराति बा ४ ख ४२९४ नम्बरको ट्रकको ठक्करबाट सडक छेउमा हिँडिरहेका तेमाल गाउँपालिका–९ का ७० वर्षीय छेवाङ तामाङको ज्यान गएको प्रहरीले जनाएको छ ।
