तनहुँमा श्रीमानले गरे श्रीमतीको हत्या
साउन,१७ काठमाण्डौ । तनहुँको व्यास नगरपालिका वडा नम्बर ५ का श्रीप्रसाद आले श्रीमतीको हत्या आरोपमा पक्राउ परेका छन् । ५६ वर्षीय आलेले ४७ वर्षकी श्रीमती गीता आलेलाई भरुवा बन्दुकले हानेर हत्या गरेका प्रहरीले बताएको छ ।
गएराति ११ बजे श्रीप्रसादले गीतालाई भरुवा बन्दुकले हानेर घाइते बनाएको र गीताको दमौली अस्पतालमा ज्यान गएको जिल्ला प्रहरी कार्यालयका प्रहरी नायब उपरीक्षक मोहनबहादुर खाँणले बताउनुभयो ।
