संसदीय समितिका सभापतिको निर्वाचन भदौ ११ गते
भदौ,७ काठमाडौं । संसदीय समितिका सभापतिको निर्वाचन आगामी ११ गते हुने भएको छ। सभामुख देवराज घिमिरेले ११ भदौ दिउँसो १ बजेका लागि सभापति निर्वाचनको मिति तय गरेका हुन्। सभामुखका प्रेस सल्लाहकार शेखर अधिकारीले दलहरूसँगको परामर्शमा सभामुख घिमिरेले सोमबारका लागि निर्वाचन मिति तोकेको बताए ।
१५ वैशाखमा गठन भएका प्रतिनिधिसभाका १० वटा विषयगत समितिले अझै सभापति पाउन सकेका छैनन्। त्यसैगरी दुईवटा संयुक्त समितिको पनि सभापति चयन भएको छैन।
