पाल्पाको जोर्तेमा पहिरोले जीप पुर्दा तीन जनाको मृत्यु
भदौ,१३ काठमाडौं । पाल्पाको जोर्तेमा पहिरोले जीप पुर्दा तीन जनाको मृत्युु भएको छ । अरु ८ जना घाइते भएका छन् । गुल्मीको तम्घासबाट बुटवलका लागि छुटेको लु १ ज ४६०० नम्बरको जीप जोर्तेमा पहिरोमा पुरिएको हो ।
जीपमा रहेका दुई पुरुष र एक महिलाको ज्यान गएको जिल्ला प्रहरी कार्यालय, पाल्पाले बताएको छ। दुर्घटनामा घाइते भएका एक बालकसहित ८ जनालाई उपचारका लागि तानसेन पठाएको छ ।
