राउटे समुदायका महामुखिया महिनबहादुर शाहीको मृत्यु
कार्तिक,१९ काठमाडौं । राउटे समुदायका महामुखिया महिनबहादुर शाहीको ६९ वर्षको उमेरमा आज निधन भएको छ । दैलेखको भैरवी गाउँपालिका–३ रतुवाखोलामा उहाँको निधन भएको राउटे परियोजनाका जोडी शिक्षक लालबहादुर केसीले बताउनुभयो ।
कोइराला गाउँबाट रतुवाखोलामा बसाइँ सरेको पाँचौँ दिन आज महामुखियाको निधन भएपछि मुखिया सूर्यनारायण शाहीको टोली बस्ती सार्ने नयाँ ठाउँको प्रबन्ध गरी राउटे समुदायका सबैजसो मृतक महिनबहादुरको शव गाड्ने काममा जुटेका केसीले बताउनुभयो ।
