बसको ठक्करबाट मकवानपुरमा एक जना वृद्धाको मृत्यु

मंसिर,१७ काठमाडौं । मकवानपुरमा बसको ठक्करबाट एक जना वृद्धाको मृत्यु भएको छ । आफैँ चढेको बसले किच्दा मकवानपुरको इन्द्रसरोवर गाउँपालिका वडा नम्बर–५ कुवाकी ७० वर्षीया कान्छीमाया घलानको मृत्युभएको हो ।
जिल्ला प्रहरी कार्यालय मकवानपुरका अनुसार चखेल मातातीर्थ सडकखण्ड अन्तर्गत काठमाण्डौबाट मकवानपुरका लागि छुटेको बा २ ख ७२७२ नम्बरको बसमा यात्रा गरिरहेकी घलानलाई बसबाट ओर्लँदा त्यही बसले किचेर गम्भीर घाइते बनाएको थियो ।
उपचारका लागि काठमाण्डौको ट्रमा सेन्टरमा रिफर गरिएको थियो । पछि थप उपचारका लागि बि एण्ड बि अस्पताल रिफर गरिएकोमा डाक्टरले मृत घोषित गरेको प्रहरीले बताएको छ ।