हराएको तीन महिनापछि भेटिए तीन बालबालिका
पुष,३ काठमाडौं । मोरङका विराटनगर महानगरपालिकाबाट हराएका तीन जना बालबालिका तीन महिनापछि भेटिएका छन्। महानगरपालिका वडा-१८ र १९ बाट भदौ १० र २८ गते हराएका तीन बालबालिकाको हिजो उद्धार गरिएको छ।
उनीहरू खोजतलास गर्ने क्रममा भारतको कटिहार र पूर्णिया जिल्लामा फेला परेका छन् । ५ वर्षीया बालक, ११ वर्षीया बालिका, १४ वर्षका बालकलाई उद्धार गरिएको बालबालिका खोजतलास प्रदेश समन्वयन केन्द्र (सिपिसिएस) का सुमन अधिकारीले बताए ।
