ट्रयाक्टर दुर्घटना हुँदा चालकको मृत्यु
१९ पुस, काठमाडौं । रौतहटको गढीमाई नगरपालिमा ट्रयाक्टर दुर्घटना हुँदा चालकको मृत्यु भएको छ । गढीमाई नगरपालिका-६ धर्मपुरमा भएको दुर्घटनामा २२ वर्षीय चालक रंजितकुमार पंडितको मृत्यु भएको छ ।
माधवनारायण नगरपालिका-३ का २२ वर्षीय पंडित सो ट्रयाक्टरका साहु समेत हुन् । उनी आफैंले चलाइरहेको ट्रयाक्टर वाग्मती नदीको पुल नजिक भित्री सडक खण्डमा पल्टिएको थियो ।
