प्रधानमन्त्रीका राजनीतिक सल्लाहकार गजुरेलको राजीनामा स्वीकृत
प्रधानमन्त्री पुष्पकमल दाहालका मुख्य सल्लाहकार हरिबोल गजुरेलको राजीनामा स्वीकृत भएको छ। गजुरेलको राजीनामा मंसिर २० गतेदेखि लागू हुने गरी स्वीकृत भएको प्रधानमन्त्री सचिवालयले बताएको छ ।
उनले प्रधानमन्त्रीलाई मङ्सिर २० गते नै राजीनामा बुझाएका थिए। उनले राजीनामा दिनुको कारण खुलाएका छैनन्। माओवादी केन्द्रका उपमहासचिवसमेत रहेका नेता गजुरेललाई प्रधानमन्त्री दाहालले माघ ९ गते राजनीतिक सल्लाहकारमा नियुक्त गरेका थिए।
